花言巧語

《語錄1》

唐小小B拿著鉛筆想劃梳化，被我禁止。

我：細佬，不可以劃梳化啊!

唐小小B：不過，我想寫 「I Love Mammy」喎!

對著唐小小B，不知好嬲定好笑!!!

《語錄2》

我開始考慮給唐小B零用錢，和他談錢的用途。

我：阿仔，如果你有錢，你會用來做甚麼?

唐小B：唔…我會買化妝品，俾我老婆…不過我唔知邊個係我老婆…

其實呢，雖然有些化妝品/護膚品是威廉王子付錢的，但大部份都是我自己買的!

《語錄3》

唐小小B說不想結婚。

唐小小B：要大個先可以結婚架!

我：係呀!

唐小小B：我第日大個左，想同媽咪結婚呀!

好像，很多小孩子也有想和媽咪結婚的想法，很可愛呢!

《語錄4》

唐小B覺得結婚好難。

我：點解呀?

唐小B：因為要用好多錢。 (Daddy植入的思想…)

我：咁儲夠錢先結婚lor，同埋結婚唔一定用好多錢啫。

唐小B：不過我覺得好難搵一個女仔同我結婚…

我：點會呀? 你第時一定好多女仔鐘意你噃…(阿媽一廂情願的想法)

唐小B：不過，我覺得男仔結婚辛苦D lor…

我：吓? 都係既，男仔女仔搞結婚都辛苦既，但點解你覺得男仔結婚辛苦D呢?

唐小B：因為男仔要抱起個女仔吖嘛! 要好大力先做到lor!

哈哈!  原來我枱頭有張結婚相，正是結婚當日Daddy抱起Mammy我，潛移默化了唐小B!

《語錄5》

唐小B：第日大個我會同細佬一齊住，因為我地係兄弟lor!

我：好呀! 你地兩個一齊搬出去住啦。

唐小B：咁我地大個左可唔可以返來呢度探你同Daddy呀?

我：梗係可以啦! 呢度永遠係你地屋企來架!

兩兄弟長大成人的一天，我總是期待，但又不想時間過得太快啊!