唐小B童言無忌

 

快三歳的唐小B，說話有紋有路，有時被他笑死!

 

1)    天堂

 

某天我教唐小B，天父是住在天堂的，而天堂在哪裡呢?

 

我說：「天堂在天空好高好高的地方啊！好遠的，媽咪也未去過的（我啋！）」

 

唐小B：「天堂要搭巴士先去到架！」

 

我：「唔係呀，巴士都去唔到架！要天父接我地去架。」

 

唐小B：「要搭火車先去到架！」

 

我：「都唔係啫，天堂好高好高，火車都去唔到架。」

 

唐小B：「咁要搭rocket去架！」

 

Hahaha!

 

教這個年紀的小朋友這些concepts，真的無從入手。另一難題是「死」，唐小B仍然以為「死左要睇醫生啊！」

 

 

2)    講大話

 

某天威廉王子教唐小B：「小朋友唔可以講大話架!」

 

唐小B：「梁振英先得架!」

 

我好奇，問：「梁振英先得咩呀? 咩係梁振英先得呀？」

 

唐小B：「梁振英先講大話架!」

 

Hahahah!!! 全家被他笑死!

 

我們好肯定沒有在他面前說這些事，不知他是否在街/學校聽人說過，又有樣學樣了。

 

3)    「唔好講野!」

 

一家三口坐的士，我和威廉王子正討論某件時事，觀點不同，討論有點激烈。

 

唐小B：「唔好講野! 唔好講野! 你地講野會嘈住司機叔叔駕車架!」

 

的士司機也笑了。

 

唐小B好有「班長」性格，在好多方面都可見他喜歡指揮人。我希望他是真有能力服眾的那類人，不然經常指揮他的朋友，都幾乞人憎，冇朋友。而將來有弟弟/妹妹，有人可以被他指揮了。

 

4)    扭計

 

教唐小B說話要有禮貌，不可以隨便大聲呼喝其他人。

某晚，他突然自己說：「唔可以好大聲同媽咪講『媽─咪─我─想─要…..得─唔─得?』(還要扮好大聲的語氣!)，咁樣冇禮貌的。要細細聲講『媽咪我想要…..得唔得呀?』(又扮好有禮貌的語氣!)，咁先得架!」

 

我笑到流眼淚!!

 

我們全家人，甚至學校老師，都同意，唐小B自己講就天下無敵，叫佢做則完全是另一回事! 

 

5)    Pooh-Pooh

 

唐小B去大便，我陪他兼讀故事給他聽。

 

噗通一聲，大便掉入馬桶。唐小B說：「Pooh-pooh 好臭架，媽咪唔鐘意d pooh-pooh架。」

 

我不知如何回應，說：「唔..唔…係呀, Pooh-pooh 好臭架!」

 

唐小B說：「Daddy先鐘意pooh-pooh架!」

 

!!!!!!!!! 笑 x 100

 

6)    「媽咪，我見到你好開心啊」

 

唐小B口甜舌滑，說話可以很冧。

 

當然，從小到大，己被我訓練到說「媽咪好靚啊」當食生菜。

 

他自己又會說：「媽咪，你唔使驚，我攬住你!」或者說：「媽咪，你喊我會幫你抺眼淚!」 (有時我看電視會喊，唐小B會替我拿紙巾抺眼淚的。)

 

有天，他突然說：「媽咪，我見到你好開心啊!」

 

我即時有眼淚想湧出來! 多口有多口的好處啊。

 

還有很多冧的說話，多不勝數!