我的短髪Look

* 對不起，所有相片後來已被我刪除。不好意思！　~珍珍＊
電療的”病人需知”說，電療後會脫髪!! 這對於極度貪靚的我，是患病以來最大的打擊!! 雖然說脫髪只是局部(應該只是左耳附近的位置吧)，而療程完後頭髮會重新長出，but oh...始終如果脫髪見到頭皮的話，會很肉酸吧?

已極速到Fancl House買 “無添加”洗頭水，希望”無添加”對頭髮/頭皮刺激較少吧!

猶豫了好一會, 要不要把頭髪剪短。已keep了長髪4、5年的我，其實還想留長一點再電曲。其實我又不是非留長不可，以前常常留長>剪到很短>再留長，因為我的頭髮長得超快，一點問題也没有。猶豫的是，長髪可以把脫髪後露出的皮膚遮蓋，理論上好一點；但想到以後暫時不能用風筒吹乾長髪會很麻煩(我的頭髪太厚，不用風筒吹乾的話數小時也不會乾的~)，而且假如頭髪脫落時，一撮撮的長髪掉下來會很恐怖.....最後還是決定剪。

星期六到了Triple Edge, Leo問：”想點剪呀?”

我話：”想剪短呀!”

佢好快咁答：”好呀!”....快到令我懷疑佢其實好憎我留長頭髮!

我話：”但唔好太短喎....” 因為太短的話, 脫髪時豈不很礙眼?? 我想要above shoulder, 但又蓋到耳仔同頸的。

Leo話：”唔...今次唔會好短...我諗係到呢個位...唔....然後上面修多d layer, 唔好咁bob....唔....拉長d塊面.....”

我話: “好呀!”...講完，其實我都唔係好知佢想點剪! 不過，我一向好有冒險精神，我鍾意剪完頭髮後，見到一個unexpected的look.。而且，我對Leo好有信心!

結果當然没有令我失望，個多小時之後，我便開開心心帶著一個新髪型離開Triple Edge! 沒有長髪的累贅感，很爽!

馬上戴上新買的Dior大耳環，覺得自己比以前更靚!

又立即給自己藉口買新帽子...還打算買Hermes絲巾以後包頭用(因為根據Lily的經驗，Hermes絲巾包頭最靚)....想起便開心，哈哈!

2006年10月3日下午1:19公開累積瀏覽 302