唐小B有齊爺爺嫲嫲公公婆婆，是一個幸福的孩子。
他又是兩家人的第一個孫，這個條件己足以使他萬千寵愛在一身。
去年他一歳生日時，我爸爸及我老爺，分別送了一些我們從未聽過的「家傳之寶」給唐小B，得寵之極。
為甚麼忽然間會有這些「家傳之寶」? 好懸疑。為甚麼我和威廉王子都是長子/ 長女，這些「家傳之寶」從來沒有送給我們，而是給了我們的兒子?
好笑吧!
但是呢，我也覺得各位長輩開始縱壞了唐小B。
例A
最近唐小B返playgroup的時間增加了兩天，以前是我們週未帶，現在由嫲嫲帶他上課。第一個星期，己被嫲嫲徹底催毁了我們教到嘔血的規矩、禮貌。問她上課情形，都是答:「冇呀，佢唔肯坐定定呀/ 唔肯自己放好杯碟呀…」「冇呀，唔俾佢佢就喊呀…」
我不是針對奶奶，只是踫恰巧是奶奶負責帶唐小B playgroup。我十分肯定，不論是爺爺、嫲嫲、公公、婆婆，結果也是一樣!
例B
趁母親節食飯，各人說到唐小B出街扭抱不肯自己行。
我說：「一定要叫佢自己行，不可以被他成功扭到。」
老爺說：「我冇話抱呀，係佢扭咋!」(明明是他一出街就抱實個孫….)
我說：「唔好比佢扭到lor，企硬唔好抱。」
我媽插嘴：「唔得架，佢唔肯行架。」
我：「唔肯行，就即刻抱佢返屋企lor，冇得去公園玩，sorry!」
我媽：「咁抱佢去公園條路同返屋企條路距離，差不多啫。」
我：「距離係差不多，但係抱佢返屋企係要等佢知道，扭抱就冇得玩嘛!」
老爺：「唔得架，你知唔知抱住佢佢就唔肯落地，你一放佢落地佢會用腳夾實你條腰架!」
我：「我知，但都要堅持放佢落地架!」
我媽+老爺：「放--唔--到--架!」
我: 「點會放--唔--到! 我成日都咁放啦!」
例C
唐小B吃飯中，有人想拿出新玩具給他玩。
我說：「收埋玩具先，等佢食完飯先玩啦。」
眾人繼續逗他：「唐小B，唐小B，你睇，車車呀…」
我說：「收埋先啦，唔係佢又唔食飯掛住玩了!」
眾人繼續：「喂，你睇，車車呀…」
我：「……………..」
例D
說起工人姐姐快要放長假回鄉，我說到時可能請鐘點工人暫時幫手。一出聲，老人家群起說：「唔使啦! 我地幫手咪得lor!」
我：「你地幫手?
你地知唔知有好多野做架? 又要買餸、煮飯、吸塵、拖地、洗衫! 你知唔知一日有幾多衫要洗呀! 仲要洗厠所! 最重要，是要睇實你地個孫，個人都攰死了?」
老人家又群起說：：「唔使啦! 我地幫手咪得lor!」連老爺都說可以幫手吸塵!
我偷問威廉王子：「其實老爺响自己屋企有冇吸過塵的?」
**************
以上例子，你說好嬲又得，你說好笑又得!
而我就經常要因為管教唐小B問題，跟老人家「拗」，是不是有點不孝?? 我己經要做惡媽媽，又要做埋惡女兒、惡新抱!
(雖然最後一個例子，也是錫我的表現。但是實際上，我又怎可以叫阿媽甚至老爺幫我做家務呢? 如果不請鐘點，結果也是我一個人做晒吧?)
希望唐小B長大後能明白媽媽的一片苦心啦!
沒有留言:
張貼留言