惟有堅強

我今日睇左第二個腦科醫生，想為治療方法攞一個second opinion。
醫生好老實講左，根本冇可能做手術，而家唯一辦法係用電療。仲有，個瘤隨時爆，一爆我就internal bleeding, 真係冇得醫。我响地鐵度忍住唔喊，但一返公司，未入電梯，巳經忍唔到眼淚，一返埋位，就嚎啕大哭。因為我好驚。

醫生話，佢有個病人，同我個ＣＡＳＥ一樣，係一個１７歲的女仔，個瘤仲大過我。當時有一刻，我都覺得自己"好彩“，仲有人個瘤大過我。但係我又諗，個女仔得１７歲，好不幸，佢可能已出現好多可怕的病徵，佢的屋企人一定好擔心，我唔應該將自己的快樂，建築响別人痛苦身上。我其實同佢同病相憐。

最無奈係，我父母未知。我唔知點講佢地知，我驚佢地承受唔到。所以，我要喊完，仲要等隻眼冇咁紅，先敢返屋企。

我知我冇choice, 只可以堅強Ｄ。

2006年9月11日下午11:40公開累積瀏覽 342